Vefsíðan byggist á hinu svokallaða leiðarkorti. Til eru margar mismunandi útfærslur af leiðarkortum en öll þeirra byggjast upp á því sama. Að afla upplýsinga. 

Útskýringar á hverjum reit í leiðarkortinu: 

• Leggur: Við skiptum leiðinni niður í nokkra leggi (1, 2, 3...) og ástæðan er sú að við viljum brjóta ferðalagið niður í smærri einingar. Það geta verið margar ástæður fyrir því, t.d. stefnubreyting á áttavita, vað yfir á, áhugaverðir staðir, hættur o.s.frv.

• Hnit # í byrjun: Hnitin á landakortinu sem við byrjum í.

• Hnit # í lok: Hnitin á landakortinu sem við endum í.

• Hæð í byrjun: Hæðin sem við byrjum í. 

• Hæði í lok: Hæðin sem við endum í.

• Hæð +/-: Mismunurinn milli þeirrar hæðar sem við byrjum í og enda í.

• Stefna: Réttvísandi og/eða misvísandi stefna.

• Vegalengd: Vegalengdin sem við ferðumst.

• Áætlaður tími: Tíminn sem við áætlum að ferðast hvern legg.

• Áætlaður uppsafnaður tími: Við leggjum fyrri tíma saman við nýjasta tímann

• Rauntími: Sá tími sem það tók okkur raunverulega að ferðast legginn.

• Athugasemd: Allar þær upplýsingar sem við teljum viðeigandi fyrir hvern legg, t.d. hættur, vað, matarstopp, örnefni o.s.frv.

• Breytingar: Ef það verða breytingar á leiðinni þegar við ferðumst.

• Leiðarlýsing: Lýsing á því sem má búast við á leiðinni. T.d. hversu löng dagleið, skóglendi, hraun, áningarstaðir, fjarskiptasamband á svæðinu o.s.frv.

• Dagsetning: Dagsetningin þegar við förum í ferðalagið.

Hægt er að nálgast óútfyllt leiðarkort í Ítarefni